🔰- දෙවිනුවර ඓතිහාසික උත්පලවණ්ණ ශ්රී විෂ්ණු මහා දේවාලයේ 769 වැනි ඇසළ මහා පෙරහැරේ එන 28 වෙනිදා පවත්වන්න තිබුණු කාවඩි නර්තන අංගය තාවකාලිකව නවත්තන්න තීරණය කරලා තියෙනවා.
🔰- පොලිස්පති ප්රියන්ත වීරසූරිය මහත්තයා කරපු ලිඛිත ඉල්ලීමකට අනුව, මාතර දිස්ත්රික් ලේකම් චන්දන තිලකරත්න මහත්තයා විසින් මේ ගැන දේවාලයේ බස්නායක නිලමේ තිළිණ මධුසංක මහත්තයාට නිල වශයෙන් දැනුම් දීලා තියෙනවා.
🔰- ආරක්ෂක අමාත්යාංශයේ ජාතික බුද්ධි ප්රධානී, රාජ්ය බුද්ධි සේවය, පොලිස් විශේෂ කාර්යාංශය සහ දකුණු පළාත භාර ජ්යෙෂ්ඨ නියෝජ්ය පොලිස්පතිවරයා දුන්න බුද්ධි වාර්තා පදනම් කරගෙන තමයි මේ පියවර අරන් තියෙන්නේ.
🔰- මෙවර කාවඩි කණ්ඩායම් තෝරද්දී ‘දෙහි බාලේ මල්ලි’ සහ ‘ඌණකූරුවේ ශාන්ත’ කියන සංවිධානාත්මක අපරාධ කල්ලි දෙක අතරේ ලොකු මතභේදයක් හටගෙන තියෙනවා.
🔰- ගිය පාර පෙරහැරේ විනයක් නැතුව හැසිරුණු කාවඩි ටීම් කීපයක් මේ පාර ඉවත් කරන්න පාලනාධිකාරිය තීරණය කරලා තිබුණා.
🔰- ඒ හින්දා මේ තත්ත්වය තවත් උණුසුම් වෙලා තියෙනවා.
🔰- මෙවර ඉදිරිපත් වුණු කණ්ඩායම් 47 න් 20 ක්ම ඉවත් කරන්න බස්නායක නිලමේතුමා ඇතුළු පාලනාධිකාරිය පියවර ගෙන තිබුණා.
🔰- රටින් පැනලා ගිහින් ඉන්න ‘කංජිපානි ඉම්රාන්’ කියන පාතාල සාමාජිකයා සෝෂල් මීඩියා එකට වොයිස් කට් දාමින් කියලා තියෙන්නේ, එයාගේ පැත්තේ කාවඩි ටීම්වලට ඉඩ දුන්නේ නැත්නම් පෙරහැර අස්සේ ලොකු අවුලක් හදනවා කියලා.
🔰- ඒ විතරක් නෙවෙයි, බස්නායක නිලමේතුමාට මරණ තර්ජනත් කරලා තිබුණා.
🔰- ඊට පස්සේ ‘දෙහි බාලේ මල්ලි’ කියන එක්කෙනාත් සෝෂල් මීඩියා හරහා තර්ජනාත්මක හඬ පට නිකුත් කරලා තිබුණා.
🔰- පොලිස් මාධ්ය ප්රකාශක, සහකාර පොලිස් අධිකාරී එෆ්. යූ. වුට්ලර් මහතා කිව්වේ, මහජනතාවගේ ආරක්ෂාව වෙනුවෙනුත්, පෙරහැර බලන්න එන විදේශීය සංචාරකයන් ඉස්සරහා රටේ නම කැතවෙන එක නවත්තන්නත් මේ ආරක්ෂිත පියවර ගත්තා කියලා.
🔰- දෙවිනුවර ඇසළ පෙරහැර කියන්නේ අවුරුදු 700 කටත් වඩා පැරණි, අපේ රටේ තියෙන පූජනීයම සංස්කෘතික උත්සවයක්.
🔰- කතරගම වගේම දෙවිනුවර කියන්නෙත් බෞද්ධ සහ හින්දු බැතිමතුන් එකතුවෙන හරි ලස්සන සංහිඳියාවේ සංකේතයක්.
🔰- කාවඩි නැටුම කියන්නේ මූලිකවම කතරගම දෙවියන්ට කෙරෙන පූජාවක් වුණාට, දෙවිනුවර විෂ්ණු දේවාල භූමිය ඇතුළෙත් කතරගම දෙවියන්ට වෙන භාරහාර ඉෂ්ට කරන්න දශක ගණනාවක ඉඳන් මේ කාවඩි නැටුම එකතු වෙලා තියෙනවා.
🔰- තමන්ට වුණු ලෙඩ දුක්, කරදරවලින් නිදහස් වෙන්න බැතිමතුන් තමන්ගේම කරපිට ලීවලින් සහ මොණර පිහටෙන් හදපු ‘කාවඩිය’ තියාගෙන, සින්දු සහ බෙර පදවලට නටමින් දෙවියන්ට පූජෝපහාර දක්වනවා.
🔰- බෞද්ධ සංස්කෘතියයි හින්දු විශ්වාසයි එකතු වුණු දෙවිනුවර පෙරහැරේ කාවඩි නැටුම තියෙන එකෙන් පෙන්නන්නේ සිංහල සහ දෙමළ ජනතාව අතර තියෙන සමඟිය සහ සහජීවනයයි.
🔰- කාවඩි නැටුම කියන්නේ හරිම උද්වේගකර, බලන් ඉන්න ආස හිතෙන ජනප්රිය කලා අංගයක්.
🔰- ඒකෙන් පෙරහැර බලන්න එන දහස් ගණන් සෙනඟට වගේම පිටරට සංචාරකයන්ටත් අපේ දේශීය සංස්කෘතියේ තියෙන විවිධත්වය බලාගන්න පුළුවන් වෙනවා.
🔰- පාතාල කල්ලිවල බලපොරෝරුව හින්දා මෙහෙම පූජනීය අංගයක් ඉවත් කරන්න සිද්ධ වුණු එක, අවුරුදු ගණනාවක් තිස්සේ බැතිමතුන් තුළ තිබුණු ආගමික භක්තියට සහ අපේ සංස්කෘතික අභිමානයට සිද්ධ වුණු ලොකු පාඩුවක්.