🔰 – “තත්පර 10ක සටහනකින් ජීවිතයම අහිමි වෙන්න ගිය ශ්‍රී ලාංකික තරුණයා වෙනුවෙන් ශ්‍රී ලංකා රජය සහ ජනාධිපතිතුමන් පෙනී සිටි අසිරිමත් රාජ්‍ය තාන්ත්‍රික සටන!”
🔰 – 2026 ජූනි මාසයේ කතරගම පාදයාත්‍රාවේදී “සුබ්‍රමනි” නම් සුනඛයාට පහරදීමේ සිදුවීමත් සමඟ සමාජ මාධ්‍යයේ ඇතිවූ උණුසුම් සංවාදයකදී, හින්දු දෙවියන්ට එරෙහිව කළ අපහාසයකට පිළිතුරු ලෙස අනෝජන් සිවරාසා (24) විසින් දෙමළ බසින් ෆේස්බුක් සටහනක් තබන ලදී.
🔰 – මිනිත්තු 10ක් ඇතුළත එය මකා දමා සමාව ඉල්ලුවද, ලංකාවේ සිටි පිරිසක් එහි screenshot එකක් අරාබි බසට පරිවර්තනය කර ඔහුගේ සෞදි සේවායෝජකයා වෙත යැවීම නිසා ජූලි මාසයේදී ඔහුව අත්අඩංගුවට ගන්නා ලදී.
🔰 – ජූලි 27 වනදා අල්-අහ්සා අපරාධ අධිකරණයෙන් වසර 5ක සිර දඬුවමක් සහ රියාල් මිලියන 3ක (ඇ.ඩො. 800,000) දඩයක් ඔහුට නියම කළේය..
🔰 – අනතුරුව සැප්තැම්බර් 17වනදා අභියාචනාධිකරණය මගින් නබිතුමාට අපහාස කිරීම බරපතල වරදක් ලෙස සලකා අනෝජන්ට “මරණ දඬුවම” නියම කරන ලදී.
🔰 – අනෝජන්ගේ නඩුව සමස්ත ලෝකයේම අවධානයට ලක්වූ අතර, ජාත්‍යන්තර ප්‍රධාන මාධ්‍ය සහ සංවිධාන රැසක් මේ පිළිබඳව තොරතුරු වාර්තා කළේය👇
🔷 – Human Rights Watch (HRW) සහ Amnesty International..
ජාත්‍යන්තර මානව හිමිකම් සංවිධාන පෙන්වා දුන්නේ, සමාජ මාධ්‍යයේ තැබූ එකම එක අදහසක් මුල් කරගෙන විදේශික ශ්‍රමිකයෙකුට මෙවැනි දරුණු මරණ දඬුවමක් දීම අන්තවාදී මෙන්ම අසාධාරණ බවයි. එමෙන්ම, රැඳවුම් බාරයේදී ඔහුට එල්ල වූ ප්‍රහාරය ගැනද HRW විශේෂයෙන් වාර්තා කර සිටියේය.
🔷 – Times of India, The Print සහ Middle East Eye
ඉන්දියානු හා මැදපෙරදිග ප්‍රමුඛ මාධ්‍යජාල රැසක් වාර්තා කළේ, අදහස් ප්‍රකාශ කිරීමේ නිදහස සහ ආගමික නීති හමුවේ දකුණු ආසියාතික විදේශික ශ්‍රමිකයන් මුහුණදෙන දැඩි අවදානම මෙම සිදුවීමෙන් නැවත ලෝකයට පෙන්නුම් කළ බවයි.
🔷 – WION සහ News 1st International:
ශ්‍රී ලංකා රජය සෞදි අරාබිය සමඟ කළ සාර්ථක රාජ්‍ය තාන්ත්‍රික මැදිහත්වීම හේතුවෙන් සෞදි ශ්‍රේෂ්ඨාධිකරණය මගින් මෙම මරණ දඬුවම අහෝසි කළ බවත්, මෙය විශාල ජාත්‍යන්තර ජයග්‍රහණයක් බවත් ඔවුන් වාර්තා කර සිටියේය.
🔰 – මෙම නඩුවේ වඩාත්ම කැපී පෙනෙන සහ අගය කළ යුතුම කරුණ වන්නේ ශ්‍රී ලංකා රජය සහ ජනාධිපති අනුර කුමාර දිසානායක මහතා තරුණ අනෝජන්ව තනි නොකර, ඔහු වෙනුවෙන් පෙනී සිටි ආකාරයයි.
🔰 – අනෝජන්ගේ මරණ දඬුවම ඉවත් කළ බව දැනගත් සැණින් ජනාධිපති අනුර කුමාර දිසානායක මහතා සිය ‘X’ (Twitter) ගිණුමෙන් කියා සිටියේ👇
🗣️”වඩා හොඳ ජීවනෝපායක් සොයා විදේශගත වන කිසිදු ශ්‍රී ලාංකිකයෙකුට තමන් තනිවී ඇතැයි යන හැඟීම කිසිදා ඇති නොවිය යුතුයි.”
🔰 – තමන්ගේ රටේ පුරවැසියෙකු වෙනුවෙන් රාජ්‍ය නායකයෙකු පියෙකු මෙන් වූ කැපවීම සමස්ත ජාතියේම පැසසුමට ලක්විය.
🔰 – කෑගසා මාධ්‍ය සංදර්ශන නොදමා, සෞදි අරාබියේ නීති පද්ධතියට සහ මිත්‍රත්වයට ගරු කරමින්, විදේශ කටයුතු අමාත්‍යාංශය, නියෝජ්‍ය අමාත්‍ය අරුන් හේමචන්ද්‍ර, සෞදියේ ශ්‍රී ලංකා තානාපති කාර්යාලය සහ විදේශ සේවා නියුක්ති කාර්යාංශය එක්ව අඛණ්ඩ නීතිමය මැදිහත්වීමක් සිදු කරන ලදී.
🔰 – ලංකාවෙන් විශේෂ නීතිඥ කණ්ඩායමක් (උපුල් කුමාරප්පෙරුම මහතා ඇතුළු) රියාද් නුවරට යවා, සෞදි නීතිඥයින් සමඟ එක්ව සෞදි ශ්‍රේෂ්ඨාධිකරණයට ප්‍රබල අභියාචනයක් ඉදිරිපත් කිරීමට කටයුතු කළේ රජයේ පූර්ණ මැදිහත්වීමෙනි.
🔰 – මරණ දඬුවම අහෝසි වී නඩුව නැවත පහළ අධිකරණයට යොමුකර ඇති අතර, අනෝජන්ට නිදහස ලබාදී ආපසු මව්බිමට කැඳවාගෙන එන තෙක් අවශ්‍ය සියලු නීතිමය සහ මූල්‍යමය සහයෝගයන් නොකඩවා ලබාදෙන බව රජය සහ ජනාධිපතිතුමන් සහතික වී ඇත.
🔰 – ඕනෑම අභියෝගාත්මක අවස්ථාවකදී මව්බිම තමන් පිටුපස සිටින බවට මෙම සිදුවීම හොඳම නිදසුනකි.
🔰 – තවද වෙනත් රටවල පවතින සයිබර් සහ ආගමික නීති (Anti-Cyber Crime & Blasphemy Laws) පිළිබඳව අප නිරන්තරයෙන් දැනුවත්ව සහ ප්‍රවේශම්කාරී විය යුතුය.